Transcription: Le Trosne d'honneur, Paris, BnF, Ms Rothschild I,01,21 (471), fol. 49r-56v
Par Molinet
Durant le temps que titam triumphoit au signifirant
zodiacque en haulte spere / approchant le tresglorieux
regne du lion per des douze seignes / Lors que toutz arbrisseaux
sont reuestus / et que les tresdoulces florettes ont rendu
leurs odours / voeillant recreer mes esperis et oyr le
melodieux chant des oysilles / Je men alis au joly boys /
ou je men dormy soubz vng chesne foeillu/ et en dormant
me sembloit que Jestoye en vng gracieux verger Le
plus plaisant et mieulx estoffe de toutes beaultees
exquises / que jen vis oncques nul / Illec sestoit fort
Employee dame flora a produire florettes de diuerses
couleurs Entre lesquelles qui sembloit chose plus
diuine que naturelle vne tresnoble fleur de lys large /
Et espagnie resplendissoit co
Son odeur sespandit parmy toute la forest. Sa clarte
enluminoit tout le pourpris / Et lexcellence de sa
beaulte refectionnoit tout oeil qui son regard y fichoit.
Cestoit le chief doeuure de nature / Lartifice des dieux
et le tresprecyeulx Joyaux et espargnie des deesses
Dont ainsy co
de approchier si sumptueuse ge
aournee de beaulte nonpareille/ Laquelle pource
quasses auoye oy parler de son puissant estat/ Je
congneu que cestoit dame noblesse qui ceste excellente
fleur auoit en domaine Et ainsy quelle regardoit
par admiration prosperere en son haultain bruit
valereux / co
estoit venu/ et que nature luy defailloit de chaleur
nutritiue en retyrant son esperit vegetatif Celle
tresglorieuse fleur de noblesse chut par terre
Et lors me souui
Exciccatum est fenum et cecidit flos Alors fut
esperance faillie / dont noblesse voyant cest crueuse
auenture rompant sa robbe tyrant ses cheueux
tordant ses mains et regardant vers le ciel sescria
piteusement et fit sa doloreuse complaincte en ceste
maniere
doloreuse lamentation / Car plus nauoit force
de complaindre sa doleance pour multitude de
souspirs qui lagressoient/ Mays fondit en larmes
co
Et alors q
et q
par linterpos de la terre/ soudainement descendi du ciel
vne dame de hault pris auironnee de extreme clarte
simple toutteuoyes de maintien et habit mais tresricement
couronnee de diuerse pierrerie/ print noblesse par la main
qui appaine se pouoit sourdre et la veullant susciter se
print a dire
giron. et alaittie de ma propre sustance des le temps de
ta prime jonesse ne me congnois tu/ Je suis ta mere
Vertu/ as tu oubliees les contenances loables et meurs attemprees q
failli/ fraisle nature/ tendre voloir femenin de trespoure
resistence/ ne sces tu amesurer ton pleur par ordo
raisonnable/ Se tu as perdu la principalle fleur de ton
vergier/ Celle qui touttes excedoit/ en qualite vertueuse
Na elle pas rendu son odeur glorieusement par longz ans
Nest pas venu son termine periode/ Nest elle pas declinee
naturellement sans violence/ Et que plus est nas tu
pas vng tresnoble bouton florissant sus mesmes estocq
En ton verdoyant estre descendu de sa treshaulte seme
noblesse tu nas matiere de desesperance/ recoeil tes espris
viuifie ton coraige Se tu scauoyes le grand mistere
qui par moy se fera en son exaltation tu changeroyes a cop
ton aigre doeil en joye plantureuse/ Regarde noblesse
Regarde mes haultaines oeuures/ donne ententif escout/
ad ce que tu oras/ et voy co
pour qui tu lamentes/ est digne de glorification et joye
pardurable
Apres que vertu par son armonieuse eloquence eult
suscite noblesse a demy consolee Icelle par grant cerimonie
recoeily en vng tresdigne vaisseau lexcellente fleur
la semence ne print seulement q
dasur reflamboyans Et alors quelle remonta en
son excelse lieu dont elle estoit issue creuerent les
nues/ ouurirent les cieulx/ resplendirent touttes
clartes superiores. Et par dessus toutte nature celeste
estoit situe vng precieux throsne/ garny de beaulte
incomparable destoilles sans nombre/ Danges par millions
de mansions glorieuses/ et de personnes de nom treshaulteme
inthronisee. Anges de touttes jherarcyes faisans
melodies inestimables vindrent a lencontre de vertu
Excepte vng seul qui sarresta a la porte/ et qui soufflant
en vnne tube cristaline disoit en son joyeulx reson
Pour paruenir en ce glorieux trhone failloit passer
par .ix. cieulx/ ou estoient .ix. dames/ .ix. preux/ et
.ix. lettres dor/ qui coeillies ensamble/ faisoient
philippus/ propre nom de ceste tresglorieuse et treshaulte
fleur de noblesse. le grand duc doccident qui pour
singulieres graces en luy infuses/ et haulx faictz
cheualereux auoit meri destre esleue en ce haultain
trhone dhonneur par dessus le .ix. cieulx.
Ou premier ciel estoit escript .P. premiere lettre
de son nom/ et leens estoit vne dame saige et attempree
de qui le nom co
Prudence qui demonstroit les haulx degres pour mo
en exellence/ Celle dame le recoeilli benignement
pour ce quen sa maison de bourgoingne lauoit haulteme
honoree/ en recoeillant ceulx qui ses enseignes portoient.
En ce p
Julle Cesar/ pour ce quil auoit tenu en chierte/ le prudens
Et philozophes sages/ Et luy mesmes par la grauite de son sens
imperial/ Iceluy cesar seant en sa maieste voyant
le tresnoble duc/ acompagnie de vertu nouuel
arriue ou celestial empire/ lisant en sa phinozomye
quil estoit digne de gloire luy monstra au passer
grand seigne dhonneur en enclinant la face
Pareillement engins floris/ clers entendemens
memoires recentes/ haultes speculations/ et vrayes
experiences/ volitans co
luy rendoient gloires et loanges co
qui en vsant de la prudence de ses haulx barons
et saiges conseilliers/ auoit parattaint la su
de ses haultes entreprinses Pareillement le
reuerendoient les preudho
de meurs/ qui par bien regenter la chose publicque
estoient paruenus en ce regne Entre lesquelz
vng tresprudent cheualier jadiz son chanceollier
esleue en gloire pour ses oeuures angelicques
se rua par humilite deuant sa benigne face en
plourant de joye de son aduenue se print a dire
Ou second ciel estoit escript/ .h. seconde lettre de
son nom/ et la tenoit son estat vne dame armee descu
et de lance/ de qui le nom se co
lettre/ cestoit hardiesse/ Et jassoit ce quelle fut
fiere de contenance co
touttesfoys recheupt elle humblement ce trespuissant
et redoubte lyon a qui riens nestoit impossible/ et le
mena en vne salle toutte tendue de ses glorieuses
proesses co
franchois/ angloiz/ escochoys/ alemans/ lorrains/ barroys
hollandoiz/ Zellandoys/ luxemburgois/ brugoys
gantoys/ liegoys/ et Dinandoys/ Et apres q
leust festie co
exaurchie ses armes en terre/ luy monstra vne espee
q
son grand pere/ En souuenance de la hardiesse quil
auoit eue en Angleterre/ dont il portoit le nom
a p
paruenir a felicite su
le trespreu et hardi cheualier hector de troyes qui
par ses innumerables victoires acquises sus les Gregoys
estoit glorieusement deifiies auecq plusieurs aultres
desquelz les noms estoient inco
Ou troisieme ciel estoit escript .I. tierce lettre de son
nom et la presidoit vne dame de qui le nom co
par mesme lettre cestoit Instruction cheualereuse
ague dengin soubtillement armee/ a laise du corps
sortie de dars/ haches/ espees/ dagues et bastons Donnes
pour enuerser son ennemy. Celle luy auoit aprins
lexercite darmes ou tant estoit appert et esprouue
q
en destroit/ estoit eschappe glorieusement sans grippe
de fortune En ce mesme ciel estoit esleue en chayere
royalle le tresuaillant roy arthus qui par Instruction
cheualereuse/ dont il scauoit le secret/ auoit
humilie sous la pointe de son espee les orgueilleux
monstres et horribles geans does de force naturelle
hardis conquerans/ voyagiers auentureux/ lesquelz
sentans la venue de ce tresauguste duc se disposerent
a le recepuoir/ Entre lesquelz yssirent dung rice
pauillon deux tresuaillans champions/ jadiz de son
hostel/ par dessus les aultres glorieuseme
et de qui la reno
selon q
treshonoures seigneurs monseigneur Cornille
bastard de bourgoigne/ et messire jacq
qui oyans le bruyt de ceste glorieuse aduenue
vindrent au deuant de luy et luy firent reuerence
treshonourable en disant
nom La reparoit vne dame rice a merueilles de qui le nom
co
congnoissoit la venue de ce victorieux prince Luy
presentoit ses coffres plains de toutz biens/ co
Luy vaulsist rendre les p
Et les flouries aulmosnes de quoy il auoit en son temps
enricy Les nobles/ soustenu les pelerins/ et refectionne
les poures tellement/ que gens de toutz estas et de toutes
nations arriues en son hostel/ estoient joyeulx de sa main
plentiveuse En ce mesme ciel estoit haultement
glorifie le trespuissant roy Alixandre qui veullant
seignourir sur toutz nobles coraiges auoit eslargi
touttes ces ricesse a touttes mains/ et aupres de luy
dame Largesse/ perlifioit chapeaux pour guerdonner
toutz coeurs liberaux Entre lesquelz elle auoit esleut
tout au plus hault de son ciel et couronne en rice attour
vne tresnoble dame nouuellement separee du monde
de qui la plainte estoit encoire griefue et de qui le
nom demourera en perpetuelle memoire Cestoit la
tresnoble comtesse de Charoloys qui pour ces rices dons
Et aulmosnes departies aux poures/ auoit
desserui vers largesse destre exaucee en ce glorieux
estaige co
contesse voyant approcier de son arcure ce tresredoubte
duc son beau pere mua la couleur de sa tresamoureuse
face pour la grant joye qui a cop luy suruint Et apres
le gracieux baisier/ ou mainte lerme fut plouree
pour la recongnoissance/ La dame le veuillant conjoyr
sur le temps passe se print doucement a dire
Ou cinquiesme ciel estoit escript .I.
La seoit en vne tresriche chayere dor vne dame de qui le
nom se co
de grant auctorite scituee au millieu des cyeulx co
entre les planettes pour illuminer toutte la court celestiale
Et a dextre auoit assis en tryumphe Imperial/ Le grand roy
Charlemaine co
Justice quil avoit prins de faulx ghe
Iusticier le tresredoubte duc par la passant eult saluee ceste
noble assemblee Iustice se leva sur piedz et le remercya
de la radde et aspre execution quil auoit faicte de ses rebelles
desobeissans parquoy il avoit nourri paix et transquilite
en ses pays.
Ou sixiesme ciel estoit escript .P.
En ce ciel par dessus Iustice regentoit vne dame doulce
benigne/ et amoureuse de qui le nom co
lettre/ Cestoit pitie La debonaire qui aco
dames et damoiselles Iadis pitoyables aulx leaulx amoureux
le recheupt benignement entre ses bras/ Et luy mist en
devises touttes les belles pardo
quil avoit faictes en sa vie a plus grans de la terre ses e
mesmes a ses prochains serviteurs et subjectz et tant sentramoy[ent]
dame pitie et ce trespitoable duc que a grant paine sen pouoit
departir/ et ne fust q
luy promettoit plusgrant gloire il si fust du tout arreste
Mays la gracieuse dame non veuillant retarder son salut
humblement le congia/ Puys elle sen retourna avecq
le bon roy david qui par elle estoit haulteme
en ce meisme ciel/ en recompense des piteuses lermes
tirees du plus parfond de son coeur/ sur la mort du roy
Saul/ son ennemy et dabsalon son chier enfant
Ou septiesme ciel estoit escript .P.
nom la lattendit vne glorieuse dame portant
en son chief vng sainct deadime de qui le nom co
par meisme lettre Cestoit povrete desperit Celle q
avoit beney de sa bouche/ Celle a qui ne challoit de nul
bien temporel/ Celle qui tenoit co
Celle qui menoit ses sequelles en beatitude. Celle qui auoit
les plus grans du siecle qui soubz p
coeur de sobre appeti Entre lesquelz estoit haultement
magnifie Godefroy Iadys duc de buillon pour ce quil avoit
vendu son propre heritaige pour racheter la saincte terre
Et portait en son chief une couronne despines quil avoit co
a la pointe de son espee En ce ciel doncques fut le plus rice
duc des vivans de dame pourete glorieusement exalte/ co
celuy qui avoit refuse par trois foys le sacre sceptre
Imperial Celuy avoit recoppe les delicieux metz de sa
bouce pour nourir les freres du sainct Sepulcre de Jh
eEt celuy qui de la fleur de sa chevalerie et du plus beau
de son tresor avoit obuie a son pooir aulx Infideles de la
saincte foy catholicque
Ou huytiesme ciel estoit escript .V.
nom/ Et la dominoit vne dame de qui le nom co
meisme lettre Cestoit verite dame de grande discretion
plaine de sapience/ Espeuse a leternel createur qui moult
amoit ceulx qui son nom/ sa maison et sa foy avoient honore
en terre/ pourquoy Iudas machabeus/ qui pour soustenir
la loy moysienne avoit confondu les payens ydolatres
Estoit souverainement exalte en ce ciel/ et en tenoit la
monarchye/ Dont ce tresueritable duc/ leffroy des
Jnfideles qui oncques ne fleschy pour ho
la face de verite/ cest ascavoir de leglise/ avoit estoree
de suppotz discres/ et bien moriginez/ Avoit esiouy son
coeur de chant musical le plus melodieux du monde
avoit obey au sainct siege appostolicque Auquel il avoit
grace preferee par dessus les regnans Avoit mys en
effect ses co
et abstinences/ Avoit deffendu et garde sa francise
contre les rapineux lutons et en augmentation de la
foy catholicque avoit Institue lordre de la thoison
q
de y pouoir advenir/ Pourquoy gedeon intronise en ce ciel
pour ce meisme merite voyant la p
quil avoit en sa poitrine/ len remercya en passant qua
daigniet prendre le sainct signacle de sa tresglorieuse et noble victoire
Ou neufiesme ciel estoit escript .S.
de son nom/ la co
surmontoit/ en beaulte de qui le nom commencoit par meisme
lettre/ Cestoit singularite de grace/ cree auec les angelz
de la main du hault plasmateur/ Celle dame estoit tant
p
personniers de son regne/ Elle estoit acompagnie de
Josue le tresuaillant/ preu en qui sa beaulte auoit resplendy
q
ferir/ le soleil sarrestoit en son propre cours naturel pour donner
temps a ses batailles/ Et pareillement ceste singularite
de grace a estee Infuse en ce tres reno
portes des cites se sont ouuertes deuant sa tresbenigne face
Les murailles des hautes tours/ se sont humilies deuant
ses armoyeux penons/ Et le vray soleil de Justice a
prolongie ses jours/ tant quil est venu a chief de toutes
ses emprinses/ Il a trouue la paix en son sain/ les aultres
lont quise a lespee/ Il a porte en ses mains/ les aultres
plus grands ny ont peult aduenir du bout de leurs lances
Et encoires qui est de plusgrant singularite il a acquise
sans grand trauail de corps/ Les aultres en ont respandu
leur sang/ Et peu en ont gouste de fruit/ Il en a
possesse longz ans/ les aultres ne lont eue que par
emprunt Il est decline naturelleme
des aultres apres mainte cruelle playe/ par auance de
mort ont termines leurs jours en grand co
La saincte ma
par lespace de
et verge de dieu sest retiree de son estre/ Toutte plente
a fructifie en son vergier/ Toute joye et transquilite
a prospere en sa tente/ Et sambloit q
fut descendu en son pauillon salutaire co
Jadis soubz le bien eureulx sceptre octouien Pourquoy
il est b
cristalin
Apres quil fust esleue pardessus les
de son nom estoient escriptes et q
deuant ho
et estoit glorifie en son precieux trhone ou il auoit faict
preparer deux chayeres dor richement aournees / Lune
a sa dextre/ et lautre a sa senestre Et allors quil
apperchut ceste treshaulte fleur de noblesse/ le grand duc
doccident il fist appeller toutz les bienheureulx du
celestial Empyre/ Et en leur p
dextre luy donna sceptre et couronne de laurier
Et allors toute nature diui
Et a crier a haulte voix Viue philippe tryumphant
Et faisoient noise si melodieuse quil ne sambloit
pas qui fust daultre paradis pour remundrer les p
Puys honneur imposa silence/ Et de viue voix
penetrant les coeurs des escoustans co