Transcription: extrait du Miroir aux dames de Phlippe Bouton, Dijon, Bibliothèque municipale, 3463, fol. 7r-8v
Premiere des preuses nommee.Vierge et royne de femenie.Cest la vaillant pantazillee.De toute prouesse garnie.Plus que nulle aultre femme ardie.Faisant des batailles sa ioye.Ala aider hector de troye.La preue vaillant semeramis.En orient royne dasee.Subiuga tous ses ennemis.Et voua non estre pignee.Jusque elle auroit prinse et gaignee.Babilone la fort cite.Ou nambroc auoit tant esté.Thamaris royne de sichie.Poursuit tant sirus haultain.roy de babilone et surie.Quelle le neya en vng bain.Questoit tout plain de sang humain.Disant tuas bien ton saoul beu.Du sang dont as tant espandu.Appres la mort du roy sangnel.Delbora royne preuse et saige.Elle fut iuge en israel.Par son vaillant hardi couraige.Meist le peuple hors de seruaige.Du roy azor fier et tirant.Et lenuoya son pain querant.De hester tresuaillante et preuse.Plaine de grandes pouretes.Assuayre en feist son espeuse.Questoit roy de maintes cites.Pour les grandes humilites.Quil veist en ceste vierge dame.Laissa vasti royne sa fame.Du temps nabugodonosor.Judich de betule princesse.Sans emploier gens ne tresor.De sa main occist sans grant presse.Oloferne plain dardiesse.Qui tenoit en subiections.Du monde pluseurs regions.Helene mere constantin.Royne et preuse en deuotion.Trouua la saincte croix affin.De monstrer la redemption.Et fonda grant religion.Sibile et preuse moult saichante.Appres lan quatre cens soixante.Bertudis Royne de sassoigne. Queust espouse de france vng roy. Royne du rin et de bourgoygne.Ost sens et vertus en arroy.>
Elle mist paix ou grant desroy.>
De france et de pluseurs royaulmes.Plains de guerre et de gens infames.La fille du Roy de bourgoigne.Clotide plaine de vaillance.Preuse entreprint haulte besoigne.Quant par elle et sa pourueance.Le premier roy crestien en france.fut son mari le roy clouys.Par elle sur les sains fons mis.Puis que Jay nommes les neuf preuses.Prinses sur lancien testament.Je veulx parler des vertueuses.Viuant et regnant clerement.A present vertueusement.etc.