Transcription: extrait du Miroir aux dames de Phlippe Bouton, Bruxelles, KBR, 10557, fol. 6r-7v
Premiere des preuses nommeeVierge et royne de femenieCest la vaillant pantazilleeDe toute prouesse garniePlus que nulle aultre femme ardieFaisant des batailles sa ioyeAla ayder hector de troieLa preue vaillant semeramis En orient royne dasee. Subiuga tous ses ennemis Et voua non estre pignee Jusquues elle auroit prinse et gaignee Babilone la fort cite. Ou nambroc auoit tant este Thamaris Royne de sichie Poursuit tant sirus haultain Roy de babilone et surie Quelle le neya en vng bain Questoit tout plain de sang humain Disant tuas bien ton saoul beu Du sang dont as tant espandu Appres la mort du roy sangnel Delbora royne preuse et saige Elle fut iuge en israel Par son vaillant hardi couraige Meist le peuple hors de seruaige Du roy azor fier et tirant Et lenuoya son pain querant. De hester tresuaillante et preuse Plaine de grandes pouretes Assuayre en feist son espeuse Questoit roy de maintes cites Pour les grandes humilites Quil ueist en ceste uierge dame Laissa uasti royne sa fame Du temps nabugodonosor Judich de betule princesse Sans emploier gens ne tresor De sa main occist sans grant presse Oloferne plain dardiesse Qui tenoit en subiections Du monde pluseurs regions Helene mere constantin Royne et preuse en deuotion Trouua la saincte croix affin De monstrer la redemption Et fonda grant religion. Sibile et preuse moult saichante Appres lan quatre cens soixante. Bertudis Royne de sassoigne Queust espouse de france vng roy Royne du rin et de bourgoigne Ost sens et vertus en arroy >
Elle mist pais ou grant desroy >
De france et de pluseurs royaulmes Plains de guerre et de gens infames La fille du roy de bourgoigne Clotide plaine de vaillance Preuse entreprint haulte besoigne Quant par elle et sa pourueance Le premier roy crestien en france fut son mari le roy clouys Par elle sur les sains fons mis Puis que iay nommes les neuf preuses Prinses sur lancien testament Je veulx parler des uertueuses Viuant et regnant clerement A present uertueusement. etc.