Transcription: Dit des Neuf Preux, Paris, BnF, fr. 4985, fol. 198v-203r
Je sui hector de troie ou li pooir fu grans Je vis les greciens qui moult furent puissansQuassegier vinrent Troie ou jl furent lonc tampzLa occis .xxx. rois comme preus et vaillansArchiles me tua ja nen soies doubtansDeuant que dieu nasqui . xiiic. et .xxx. ansPar me force conquis les yles doultre merDorient doccident me fis sire clamerRoy daire desconfis porus vols conquesterEt le grant Babilonne pris toutte a gouuernerTout le monde conquis mes par empuissonner.viiic ans deuant dieu me fist on afinerEmpeur fu de romme et en maintins les drois Englettere conquis france et les nauaroisPompee desconfis et tous ses grans conroiset lombardie oussi fu mise a mes voloirset tous les allemans puis fu occy tous froisdeuant que dieu nasqui .viic ans auoecq iii Des enfans disrael fu ge forment ames Dieu fist maintes vertus pour moi cest veritesLe rouge mer parti. puis fu par moi passesLe flum jourdain s’en fu maint paien affinez .xxii.rois conquis puis moru nen doubtez.vc. ans deuant che que jhesus crist fu nesJe trouuai son de harpe et de psalterionSe tuai golias le grand gaiant felon. En bataille et ailleurs me tint on a preudonApres le roi saul maintins la regionEt se prophetizai de dieu la nacionBien .iiic. ans deuant son jncarnacion.Je tins jherusalem et le loy de moyseQui estoit quand je vins a perdicion miseLes ydoles ostai si mis la loy juiseAntiocus tuay dont se gent fu occiseEt apolonion puis moru quand gy vise.c. ans auant que Dieus ot char humaine priseJe fu roy de bretaigne descoche et dengleterreMaint roialme je vos par ma force conquerreLe grand gaiant rusto fis morir et deffaireSus le mont saint miciel .i. aultre en alai querreJe vis le sang greal mes la mort me fist guerreQui mochit .vc. ans puis que dieus vint sus terreJe fus roi des rommains dalemagne et de franceJe conquis toutte Espaigne et le mis en creanceJaumont et agoullant ochis par me puissance Et les sainnes oussi destruisi par vaillancePluseurs segneurs rebelles mis a obeissancePuis moru .viiic. ans apres dieu le nessanceJe fu duc de buillon dont je maintins lonnourPour gerrier paiens je vendis ma tenourEn ses plains de surie je conquis laumachourLe roi cornumarant ochis en .i. estourJherusalem conquis et le pais d’entourMors fu .xic. ans apres nostre segnour